Suðurverk hf

Suðurverk var stofnað árið 1967 sem sameignarfélag. Fyrstu árin starfaði félagið sem vélaleiga en fór að taka þátt í hinum almenna útboðsmarkaði árið 1982 og árin 1983 til 1984 byggði fyrirtækið 3. áfanga Kvíslaveitna fyrir Landsvirkjun.


 Í ágúst 1985 tók Dofri Eysteinsson og fjölskylda við rekstrinum og Suðurverk hf varð til. Suðurverk hefur síðan aðallega starfað við vega- og gatnagerð, í stíflumannvirkjum og veituskurðum og við hafnarmannvirki og brimvarnargarða. Meðal helstu viðskiptavina eru Vegagerð ríkisins, Landsvirkjun, Siglingastofnun Íslands og Faxaflóahafnir ásamt sveitafélögum víða um land og fjölmörgum öðrum smærri aðilum.


 Í dag er Suðurverk meðal öflugustu verktakafyrirtækja Íslands og fyrirtækið býr yfir miklum og öflugum tækjakosti, reynslumiklu starfsfólki og mikilli fagþekkingu.